काठमाडौं । नेपाल हाइड्रो डेभलोपर कम्पनीको स्थगित विशेष साधारण सभा पुनः बस्ने भएको छ ।कम्पनीको असार १३ गते हुने विशेष साधारण सभा गणपुरक संख्या नपुगी स्थगित भएको थियो ।
उक्त सभा अब असार २९ गते बस्ने कम्पनीले जनाउको छ । कम्पनीले सभा कम्पनीको रजिष्टर्ड कार्यालय, डिल्लीबजार काठमाडौंमा बिहान ११ बजे सुरु हुनेछ ।
सभाले नियमावलीको नियम २३ संशोधन गर्ने प्रस्ताव पारित गर्ने, नियमावली संशोधनमा नियमनकारी निकायबाट कुनै फेरबदल वा संशोधन वा परिमार्जन गर्न सुझाव दिएमा सोही अनुरुप गर्न गराउन सञ्चालक समितिलाई पूर्ण अख्तियारी दिने प्रस्ताव पारित गर्नेछ ।
साधारण सभा प्रयोजनको लागि कम्पनीले असार २ गते बुक क्लोज गरिसकेको छ ।
वि.सं.२०७९ असार १४ मंगलवार १२:३७ मा प्रकाशित
