काठमाडौं । मोटरहेड ब्राण्डका नेपालका लागी आधिकारिक वितरक एसएलआर टेक्नो एण्ड ट्रेडले आफ्नो नयाँ वर्षको अफरलाई ग्राहकमुखी बनाएको छ ।
योसंगै कम्पनीले बिग बिगर बिगेष्ट (थ्रीबी) नामाकरण गर्दै थप अफरका साथ परिमार्जित गरेको हो ।कम्पनीले असार १३ गतेदेखि मोटरहेडका वाइक खरीद गर्ने आफ्ना ग्राहकलाई स्क्र्याच कुपन, बम्परमा सहभागीको साथै २ वर्षको लागि वार्षिक कर निशुल्क हुने बताएका छन् ।
जसमा स्क्र्याच गरि १ लाख रुपैयाँसम्म छुट पाउन सकिने र वम्परमा २ लाख ७ हजार ९ सय रुपैयाँ नगद उपहार जित्न सकिने छ ।
साथै, पुराना वाइक सट्टापट्टा गरी खरीद गर्ने ग्राहकको हकमा भने कम्पनीले स्क्र्याच कार्ड उपलब्ध नहुने गरी सोझै बजार मुल्याकंनमा थप २० हजार रुपैयाँ मुल्याकंन गरी २ वर्षको वार्षिक करको छुटको व्यवस्था गरेको छ ।
कम्पनीका अनुसार यो अफर सिमित अवधिको लागी लागू रहने छ । साथै कम्पनीको वाइकहरु हाल पुरानै मुल्यमा उपलब्ध रहेता पनि छिट्टै मुल्य बढ्ने कम्पनीले जनाएको छ ।
मोटरहेड ब्राण्डका अपग्रेडेड मोडलहरु जस्तै स्क्रयाम्बलर, टेक्केन आर–२२३, एक्स टोक्र्यू–२२३, स्पोर्टस्–२५० अफरोड/रोड, एमएच–२०० एक्स, एमएच–१५० आर अहिले युवा तथा वयस्क मा सर्वाधिक रुचाईएको पाइन्छ ।
कम्पनीको पोखरा, वुटवल, बाग्लुङ, दुलेगौडा, धादिङ, हेटौंडा, इटहरी, विर्तामोड, कावासोती, स्याङजा, मन्थली, टेकु, सल्लाघारी, बालाजु र धोबिघाट, ललितपुरमा वितरक रहेका छन् ।
वि.सं.२०७९ असार १४ मंगलवार १७:५७ मा प्रकाशित
