काठमाडौं । साताको चौंथो कारोबार दिन सुनको मूल्य सामान्य वृद्धि भएको छ । बुधवार नेपाली बजारमा छापावाला सुनको भाउ तोलामा १ सय रुपैयाँले बढेको हो ।
अघिल्लो दिन ९७ हजार ७ सय रुपैयाँमा कारोबार भएको सुन आज बढेर ९७ हजा ८ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
महासंघका अनुसार आजका लागि तेजावी सुनको मूल्य ९७ हजार ३ सय रुपैयाँ कायम भएको छ । तेजावी सुन मंगलबार ९७ हजार २ सय रुपैयाँमा खरिदबिक्री भएको थियो ।
यस्तै, उक्त दिन चाँदीको मूल्यमा भने गिरावट आएको छ । आज चाँदी तोलामा १५ रुपैयाँले घटेर १ हजार २४० रुपैयाँ कायम भएको छ । अघिल्लो दिन भने चाँदी १ हजार २५५ रुपैयाँमा खरिदबिक्री भएको थियो ।
वि.सं.२०७९ असार १५ बुधवार ११:३९ मा प्रकाशित
