काठमाडौं । नेपाल स्टक एक्सचेञ्ज (नेप्से) मा तीन कम्पनीको २० लाख २ हजार कित्ता बोनस सेयर सूचीकृत भएको छ ।
नेप्सेमा एभरेष्ट इन्स्योरेनस कम्पनीको ६ प्रतिशत, समिट लघुवित्त वित्तीय संस्थाको २५.२८५४ प्रतिशत र जनउत्थान सामुदायिक लघुवित्तको २५ प्रतिशत बापतको बोनस सेयर सूचीकृत भएको हो ।
मंगलबार नेप्सेमा एभरेष्ट इन्स्योरेनस कम्पनीको ७ लाख १० हजार १६३.६४ कित्ता, समिट लघुवित्तको ९ लाख ९७ हजार कित्ता र जनउत्थान सामुदायिक लघुवित्तको २ लाख ९५ हजार ८१२ कित्ता बोनस सेयर नेप्सेमा सूचीकृत भएको हो ।
यी तीनै वटा कम्पनीहरुको बोनस सेयर अब सम्वन्धित सेयरधनीहरुको हितग्राही खातामा आएपछि खरिदबिक्री गर्न सक्नेछन् ।
वि.सं.२०७९ असार १५ बुधवार १६:०६ मा प्रकाशित