काठमाडौं। सयपत्री हाइड्रोपावर कम्पनीको आईपीओमा आवेदन दिने म्याद थप भएको छ ।
कम्पनीले असार २ गतेदेखि पहिलो चरणमा आयोजना प्रभावित स्थानीयका लागि आईपीओ निष्काशन गरेको हो । कम्पनीको आईपीओमा अब असार २४ गतेसम्म आवेदन दिन सकिनेछ ।
कम्पनीले प्रतिसेयर १०० रुपैयाा अंकित मूल्यका ३ लाख कित्ता आईपीओ स्थानीका लागि जारी गर्नेछ । उक्त आईपीओ खरीदका लागि आयोजना प्रभावित क्षेत्र बागलुङ जिल्ला ताराखोला गाउँपालिका र गल्कोट नगरपालिकामा स्थायी बसोबास गर्ने बासिन्दाहरुले आवेदन दिन सक्नेछन् ।
कम्पनीको आईपीओमा न्यूनतम १० कित्तादेखि अधिकतम ३० हजार कित्तासम्मका लागि आवेदन दिन सकिनेछ ।
कम्पनीको आईपीओ निष्काशन तथा बिक्री प्रबन्धकमा एनआईबिएल एस क्यापिटल लिमिटेड रहेको छ ।
आईपीओमा प्रभु बैंकको ताराखोला र गल्कोट शाखा, ग्लोबल आइएमई बैंकको गल्कोट शाखा, कामना सेवा विकास बैंकको गल्कोट शाखा र एनआईबिएल एस क्यापिटल, काठमाडौंबाट आवेदन दिन सकिने छ ।
यसका साथै आस्बा सेवामा सहभागी सम्पूर्ण बैंक तथा वित्तीय संस्था र तीनका शाखा कार्यालयहरू मार्फत पनि आवेदन दिन सकिनेछ ।
वि.सं.२०७९ असार १६ बिहीवार १०:४६ मा प्रकाशित
