काठमाडौं । डिप्रोक्स लघुवित्त वित्तीय संस्थको संस्थापक सेयर आजदेखि लिलामीमा बिक्री खुला भएको छ ।
कम्पनीको संस्थापक सेयरधनीको १ लाख २८ हजार ८१२ कित्ता संस्थापक सेयर लिलामीमा बिक्री खुला भएको हो । उक्त सेयरको बिक्री मूल्य न्यूनतम ५०८ रुपैयाँ तोकिएको छ ।
उक्त शेयर खरीद गर्न इच्छुक विद्यमान संस्थापक वा व्यक्ति, कम्पनी तथा संस्थाले बोलपत्र पेश गर्नुपर्नेछ । बोलपत्र आउँदो असार २३ गते अपरान्ह्र ३ बजेसम्म पेश गर्न सक्नेछन् ।
आवेदकले तोकिएको मूल्य वा सोभन्दा बढी मूल्य अंकित गरी बोलकबोल पेश गर्नुपर्ने कम्पनीले जनाएको छ ।
उक्त सेयर खरिदका लागि बोलकबोल गर्दा न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था रहेको कम्पनीले जनाएको छ ।
कम्पनीको सेयर बिक्री प्रबन्धकमा एनआईविएल एस क्यापिटल लिमिटेड रहेको छ ।
वि.सं.२०७९ असार १६ बिहीवार १२:०७ मा प्रकाशित
