काठमाडौं । सिन्धु विकास बैंक लिमिटेडले बाह्रौ वार्षिक साधारण सभा डाकेको छ । कम्पनीको असार १७ गते बसेको संचालक समितिको बैठकले उक्त सभा साउन ६ गते बस्ने निर्णय गरेको हो ।
सभा साउन ६ गते शुक्रबार मिरावल रिर्सोट, धुलिखेल, काभ्रेपलाञ्चोकमा बिहान १० बजे बस्नेछ ।
सभाले सर्वसाधारण शेयरधनीहरूको तर्फबाट प्रतिनिधित्व गर्ने तीन जना सञ्चालकहरूको निर्वाचन गर्ने कार्यक्रम सभाका लागि तय गरेको छ । साथै सञ्चालकहरूको बैठक भत्ता लगाएतका सुविधामा बृद्धि गर्ने र अन्य कुनै बैंक तथा वित्तीय संस्थासँग मर्जर तथा प्राप्ती प्रकृयामा जान आवश्यक देखिएमा त्यसको सम्पूर्ण जिम्मेवारी सञ्चालक समितिलाई दिने निर्णय पनि सभाले गर्नेछ ।
यसबाहेक आव २०७७/०७८ को वार्षिक प्रतिवेदन उपर छलफल गरी पारित गर्ने, सोही आवको वासलात, नाफा नोक्सान हिसाब, नगद प्रवाह जस्ता वित्तीय विवरणहरुमाथि छलफल गरी पारित गर्नेछ ।
कम्पनीले साधारण सभा प्रयोजनार्थ शेयर दाखिला खारेज (बुकक्लोज) असार २७ गते तोकेको छ । यसअनुसार असार २६ गतेसम्म नेप्सेमा कायम शेयरधनीहरुमात्र सभामा उपस्थित हुन पाउनेछन् ।
वि.सं.२०७९ असार १९ आइतवार ११:४६ मा प्रकाशित
