काठमाडौं । अप्पर सोलु हाइड्रो इलेक्ट्रिक कम्पनीको आईपीओ निष्काशन भएको छ ।कम्पनीको आईपीओ आज अर्थात असार २० गतेदेखि निष्काशन भएको हो ।
कम्पनीले १९ करोड ५७ लाख ५० हजार रुपैयाँ बराबरको प्रतिकित्ता १०० अंकित मूल्यका दरले १९ लाख ५७ हजार ५०० कित्ता आईपीओ निष्काशन तथा बिक्री खुला गरेको हो ।
कुल सेयरमध्ये ३९ हजार १५० कित्ता कर्मचारीहरुका लागि, ७ हजार ८७५ कित्ता सामूहिक लगानी कोष र बाँकी १८ लाख २० हजार ४७५ कित्ताका लागि सर्वसाधारणले आवेदन दिन सक्नेछन् ।
कम्पनीको आईपीओमा न्यूनतम १० कित्ता र अधिकतममा १ लाख कित्ता लागि आवेदन दिन सक्नेछन ।
कम्पनीको आईपीओमा छिटोमा असार २३ गते र ढिलोमा साउन २ गतेसम्म आवेदन दिन सकिनेछ । कम्पनीको आईपीओ निष्काशन तथा तथा बिक्री प्रबन्धकमा एनएमबि क्यापिटल रहेको छ ।
वि.सं.२०७९ असार २० सोमवार १०:३० मा प्रकाशित
