काठमाडौं । नेपाल राष्ट्र बैंकले २२ अर्ब ६० करोड बराबरको ट्रेजरी बिल बिक्री गर्ने भएको छ । बैंकले सरकारलाई आवश्यक अल्पकालीन ऋण उठाउन बोलकबोल प्रक्रिया मार्फत सोमबार ट्रेजरी बिल बिक्री गर्न लागेको हो ।
राष्ट्र बैंकले ९१ दिन अवधिको ८ अर्ब, १८२ दिन अवधिको ६ अर्ब र ३६४ दिन अवधिको ८ अर्ब ६० करोड गरी जम्मा २२ अर्ब ६० करोड बराबरको ट्रेजरी जारी गर्न लागेको बैंकले जनाएको छ ।
ट्रेजरीको बोलकबोल अनलाइनमार्फत दिउँसो ३ बजे खुला हुनेछ । केन्द्रीय बैंकको इजाजत प्राप्त क, ख र ग वर्गका बैंक तथा वित्तीय संस्था, गैर–बैंक तथा वित्तीय संस्था, सङ्गठित संस्थाका साथै सर्वसाधारण नेपाली नागरिकले समेत बोलकबोलमा भाग लिन सक्नेछन् ।
९१ दिन अवधिको ट्रेजरी आगामी असोज २५ गते परिपक्व हुनेछ भने १८२ दिने ट्रेजरी आगामी पुष २६ र ३६४ दिने ट्रेजरी २०८० साल असार २६ मा परिपक्व हुनेछ ।
वि.सं.२०७९ असार २६ आइतवार १३:५१ मा प्रकाशित