काठमाडौं । नेपाल बंगलादेश (एनबी)बैंकलाई प्राप्तिपछि नबिल बैंकले भोलि असार २७ गतेबाट सुरु गर्ने भनिएको एकीकृत कारोबार नहुने भएको छ।
दुवै बैंकको ग्राहक कारोबारको तथ्यांक सफ्टवेयरमार्फत एकीकृत गर्नको लागि डाटा माइग्रेशनको कार्य जारी रहेको हुँदा बैंकले सोमबार पनि बैंकका सम्पूर्ण सेवा तथा कारोबार बन्द रहने जानकारी गराएको हो । सो अनुसार दुवै बैंकको एकीकृत कारोबार भोलि सुरु नहुने भएको हो ।
उक्त समयमा दुवै बैंकका क्रेडिट कार्ड र प्रिपेड कार्ड भने सञ्चालनमा रहने सूचनामा जनाइएको छ।
गत असार २३ गते प्रकाशित सूचनामा भने दुवै बैंकको एकीकृत कारोबार असार २७ गतेबाट हुने भनिएको थियो।
एकीकृत कारोबारका लागि दुवै बैंकको सम्पूर्ण तथ्यांकलाई एकल बैंकिङ सफ्टवेयरमा समायोजन गर्ने प्रयोजनका लागि नबिल बैंकको असार २३ गतेदेखि असारन २७ गते कार्यालय समयअघिसम्म र नेपाल बंगलादेश बैंकको असार २३ गतेदेखि असार २७ गते कार्यालय समयअघिसम्म सम्पूर्ण बैंकिङ सेवा तथा कारोबार बन्द गरिने जानकारी गराइएको थियो।
वि.सं.२०७९ असार २६ आइतवार १६:३६ मा प्रकाशित
