काठमाडौं । कम्पनी रजिस्टारको कार्यालयले प्राइभेट फर्म तथा कम्पनी नविकरण शुल्क मिनाहा गरिदिने भएको छ ।
कम्पनीले वार्षिक विवरण नबुझाएका वा नवीकरण नगरेका फर्म, कम्पनीलाई पाँच प्रतिशत रकम बुझाए पछि सबै जरिवाना मिनाहा गरिदिने भएको हो ।
एक सूचना निकाल्दै कम्पनी रजिस्टारको कार्यालयले २०७९ पुस मसान्तसम्म पाँच प्रतिशत मात्रै रकम बुझाए सबै जरिवाना छुट हुने जनाएको छ ।
कम्पनी एन २०६३ बमोजिम दर्ता भएका फर्म तथा कम्पनीले २०७६/७७ सम्मको वार्षिक विवरण नबुझाएका तथा नवीकरण नगरेका भए फर्म तथा कम्पनीको २०७९ पुस मसान्तभित्र विवरण र जरिवाना तथा शुल्कको पाँच प्रतिशत रकम बुझाए बाँकी जरिवाना तथा शुल्क मिनाहा हुने सूचनामा उल्लेख छ ।
वि.सं.२०७९ साउन २ सोमवार १०:४५ मा प्रकाशित
