काठमाडौं । साताको दोस्रो कारोबार दिन सुनको मूल्य वृद्धि भएको छ । आज छापावाला सुनको भाउ तोलामा ४ सय रुपैयाँले बढेको हो ।
अघिल्लो दिन ९३ हजार ६ सय रुपैयाँमा कारोबार भएको सुन आज बढेर ९४ हजार रुपैयाँ तोकिएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको भाउ भने ९३ हजार ५ सय रुपैयाँ निर्धारण भएको छ ।
यस्तै, सोमबार चाँदीको मूल्य पनि वृद्धि भएको छ । आज चाँदी तोलामा ५ रुपैयाँले वृद्धि भई १ हजार १६५ रुपैयाँ कायम भएको छ ।
वि.सं.२०७९ साउन २ सोमवार ११:०३ मा प्रकाशित