काठमाडौं । थप तीन कम्पनीले आईपीओ निष्काशन गर्ने भएका छन् । आईपीओ निकाष्शनका लागि तीन कम्पनीहरुले नियामक निकाय नेपाल धितोपत्र बोर्डमा निवेदन दिएका छन् ।
आईपीओ निष्काशनका लागि अप्पर स्याङ्गे हाइड्रोपावर, ट्रेड टावर र रावा इनर्जी डेभलपमेण्ट कम्पनीले बोर्डमा निवेदन दिएका हुन् ।
अप्पर स्यायाङ्गे हाइड्रोपावर लिमिटेडले ८ लाख ७० हजार कित्ता आईपीओ जारी गर्नेछ । आईपीओ निष्काशनको अनुमति माग्दै कम्पनीले गत असार ३१ गते सेबोनमा निवेदन दिएको हो । कम्पनीको आईपीओ निष्काशन तथा बिक्री प्रबन्धकमा भने सिद्धार्थ क्यापिटल लिमिटेड रहेको छ ।
यस्तै, ट्रेड टावर लिमिटेडले ११ लाख ५८ हजार ९८० कित्ता आईपीओ निष्काशन गर्ने भएको छ आईपीओ निष्काशनका लागि कम्पनीले असार १४ गते बोर्डमा निवेदन दिएको छ । बिक्री प्रबन्धकमा लक्ष्मी क्यापिटल मार्केट लिमिटेड रहेको छ ।
त्यसैगरि रावा इनर्जी डेभलपमेण्टले ८ लाख ४० हजार कित्ता आईपीओ निष्कासन गर्नका लागि असार १४ गते सेबोनमा निवेदन दिएको हो ।
कम्पनीले स्थानीय बासिन्दा र सर्वसाधारणको लागि आईपीओ निष्कासन गर्नका लागि धितोपत्र बोर्डमा निवेदन दिएको हो । कम्पनीको आईपीओ निष्काशन तथा बिक्री प्रबन्धकमा प्रभु क्यापिटल लिमिटेड रहेको छ ।
वि.सं.२०७९ साउन ५ बिहीवार ०८:४६ मा प्रकाशित