काठमाडौं । आदर्श लघुवित्त वित्तीय संस्थाको सेयर कारोबार बिहीबार पनि खुला हुन सकेन । स्पेसल प्रि ओपन सेसनमा अर्डर म्याच नभएपछि तेस्रो दिन पनि कारोबार खुला हुन नसकेको हो ।
यस सेसनमा पहिलो कारोबार भएपछि मात्र नियमित कारोबार हुनसक्ने व्यवस्था रहेको छ । मंगलबार र बुधबार पनि अर्डर म्याच नहुँदा कारोबार हुन सकेको थिएन । अब शुक्रबार कारोबार म्याच भएमा यसको नियमित कारोबार खुल्नेछ ।
आदर्शको चुक्ता पुँजीका आधारमा कायम २ लाख ७ हजार कित्ता सेयर सोमबार सूचीकृत भएको थियो । नेप्सेले आदर्शको ओपनिङ रेन्ज पनि तोकेको छ ।
जसअनुसार पहिलो कारोबार न्यूनतम १२२ रुपैयाँ ८८ पैसादेखि अधिकतम ३६८ रुपैयाँ ६४ पैसाभित्र रहेर हुनेछ । ‘एडीएलबी’ संकेतमा यसको सेयर कारोबार खुला हुनेछ ।
वि.सं.२०७९ साउन ५ बिहीवार १२:४० मा प्रकाशित
