काठमाडौं । सिभिल लघुवित्त वित्तीय संस्थाले गत आर्थिक वर्ष २०७८/७९ को चौथो त्रैमासिक वित्तीय विवरण प्रकाशित गरेको छ ।
विवरण अनुसार कम्पनीले उक्त अवधिमा ७ करोड ३६ लाख ३३ हजार रुपैयाँ नाफा कमाएको छ । जुन अघिल्लो आवको असार मसान्तको तुलनामा भने १३.३९ प्रतिशतले मात्र बढी हो । अघिल्लो आवको सोही अवधिमा कम्पनीले ६ करोड ४९ लाख ३९ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी ३७.३१ प्रतिशतले वृद्धि भई २३ करोड ९६ लाख ८० हजार रुपैयाँ पुगेको छ । कम्पनीको संचालन मुनाफा पनि १८.०६ प्रतिशतले बढेर १० करोड ८४ लाख ६० हजार रुपैयाँ कायम भएको छ ।
कम्पनीको चुक्ता पुँजी २८ करोड ८१ लाख २४ हजार रुपैयाँ रहेको छ । कम्पनीले जगेडा तथा कोषमा भने १३ करोड ८ लाख ७३ हजार रुपैयाँ राखेको छ ।
गत आवको असार मसानसम्ममा कम्पनीको प्रतिसेयर आम्दानीमा भने गिरावट देखिएको छ । अघिल्लो आवको चौथो त्रैमासमा २६ रुपैयाा ८२ पैसा रहेको यो आम्दानी गत आवको सोही अवधिमा भने घटेर २५ रुपैयाा ५६ पैसा कायम भएको छ । कम्पनीको प्रतिसेयर नेवटर्थ भने १४८ रुपैयाँ ८५ पैसा रहेको छ ।
वि.सं.२०७९ साउन ६ शुक्रवार ११:२२ मा प्रकाशित