काठमाडौं । लुम्बिनी विकास बैंकले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार गत आवको असार मसान्तसम्ममा बैंकले ६७ करोड ५६ लाख ३२ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा ५५.६९ प्रतिशतले बढी हो ।
अघिल्लो आवको चौंथो त्रैमासमा बैंकले ४३ करोड ३९ लाख ६७ हजार रुपैयाँ नाफा गरेको थियो ।
उक्त अवधिमा बैंकको खुद ब्याज आम्दानी पनि ३०.१५ प्रतिशतले वृद्धि भई १ अर्ब ५७ करोड ६० लाख ९० हजार रुपैयाँ कायम भएको छ ।
यस्तै, गत आवमा बैंकको संचालनमा मुनाफा पनि ६०.०२ प्रतिशतले बढेर ९७ करोड ३ लाख २८ हजार रुपैयाँ पुगेको छ । बैंकको यो मुनाफा अघिल्लो आवको चौंथो त्रैमासमा भने ६० करोड ६३ लाख ८२ हजार रुपैयाँ रहेको थियो । गत आवमा बैंकको वितरण योग्य मुनाफा भने २९.२४ प्रतिशतले वृद्धि भई ४७ करोड ९२ लाख २६ हजार रुपैयाँ कायम भएको छ ।
बैंकको चुक्ता पुँजी ३ अर्ब २८ करोड ४२ लाख ९२ हजार रुपैयाँ रहेको छ । बैंकले जगेडा तथा कोषमा भने २ अर्ब ५३ करोड ५० लाख ६६ हजार रुपैयाँ राखेको छ ।
गत आवमा बैंकले खराब कर्जा पनि ०.४९ प्रतिशतले घटाएर १.६८ प्रतिशतमा झारेको छ । अघिल्लो आवको चौंथो त्रैमासमा बैंकको यो कर्जा २.१७ प्रतिशत रहेको थियो ।
बैंकको प्रतिसेयर आम्दानी पनि ५ रुपैयाँ ६४ पैसाले बढेर २० रुपैयाँ ५७ पैसा कायम भएको छ । बैंकको प्रतिसेयर नेटवर्थ भने १७७ रुपैयाँ १९ पैसा रहेको छ ।
वि.सं.२०७९ साउन ८ आइतवार ११:२८ मा प्रकाशित
