काठमाडौं । थप दुई कम्पनीले आईपीओ निष्काशनका लागि अनुमति पाएका छन् ।
नेपाल धितोपत्र बोर्डले इष्टर्न हाइड्रोपावर र खप्तड लघुवित्त वित्तीय संस्थालाई आईपीओ निष्काशनको अनुमति दिएको हो ।
बोर्डले इष्टर्न हाइड्रोपावर कम्पनीलाई १२ करोड ४० लाख रुपैयाँ बराबरको १२ लाख ४० हजार कित्ता आईपीओ निष्काशन गर्न अनुमति दिएको हो ।
कम्पनीले पहिलो चरणमा आयोजना प्रभावित क्षेत्रका स्थानीय बासिन्दाका लागि र दोस्रो चरणमा सर्वसाधारणका लागि आईपीओ जारी गर्नेछ ।
आईपीओ निष्काशनका लागि कम्पनीले साउन ९ गते बोर्डबाट अनुमति पाएको हो । कम्पनीको आईपीओ निष्काशन तथा बिक्री प्रबन्धकमा एनएबि क्यापिटल लिमिटेड रहेको छ ।
यस्तै, खप्तड लघुवित्तले १ करोड ३२ लाख रुपैयाँ बराबरको आईपीओ जारी गर्न बोर्डबाट अनुमति पाएको छ ।
कम्पनीले १ लाख ३२ हजार कित्ता आईपीओ निष्काशनका लागि साउन १० गते बोर्डबाट स्वीकृति पाएको हो ।
कम्पनीको आईपीओ निष्काशन तथा बिक्री प्रबन्धकमा प्रभु क्यापिटल लिमिटेड रहेको छ ।
वि.सं.२०७९ साउन १० मंगलवार १६:३६ मा प्रकाशित
