काठमाडौं । शाखा कार्यालय संचालनका लागि नबिल बैंकलाई घर तथा भवन आवश्यकता परेको छ ।
बैंकले देशका सातै प्रदेशका विभिन्न स्थानहरुमा शाखा कार्यालय संचालनका लागि भवन आवश्यकता रहेको जनाएको छ ।
बुधवार एक सूचना जारी गर्दै बैंकले देशका ३६ वटा स्थानको व्यापारिक तथा बजार क्षेत्रमा शाखा कार्यालय संचालनका लागि भवन आवश्यक रहेको जानकारी गराएको छ ।
शाखा कार्यालय संचालानार्थ भुँई तल्ला वा पहिलो तल्लाको १ हजार देखि ३ हजार वर्ग फिट क्षेत्रफलमा भएको भवन भाडा उपलब्ध गराउन इच्छुक घरधनीहरुले शिलबन्दी प्रस्ताव पेश गर्न सक्नेछन् ।
प्रस्तावित भवनहरुमा पानी, बिजुली तथा पार्किङ्गको सुविधासहित घटीमा ६ मिटर चौडाईको मोटर बाटो हुनुपर्ने, भवन सडक विस्तार योजनामा नपरेको हनुपर्ने बैंकले जनाएको छ ।
भवनको भुई तल्लामा एटीएमम तथा जेनेरेटर राख्का लागि स्थान हुुनुपर्ने, शाखा कार्यालय संचालानार्थ घटीमा १५ वर्षको लागि भवन उपलब्ध गराउनुपर्ने र बैंकले घरभाडा भुक्तानी गर्दा प्रचलित कानून अनुसार सम्पूर्ण कर कट्टी गर्ने बताइएको छ ।
अन्य विस्तृतका लागि हेर्नुहोस् सूचना :
वि.सं.२०७९ साउन ११ बुधवार १२:५६ मा प्रकाशित