काठमाडौं । नेपाल स्टक एक्सचेञ्ज (नेप्से) मा विन्ध्यबासिनी हाइड्रोपावर डभेलपमेण्ट कम्पनीको आईपीओ सूचीकृत भएको छ ।
बुधवार कम्पनीको १ करोड कित्ता साधारण शेयर सूचीकृत भएको हो । अव कम्पनीको सेयर बिहीवारदेखि दोस्रो बजारमा कारोबारमा आउनेछ । कम्पनीको स्टक सिम्बोल बिएचडिसी रहेको छ ।
नेप्सेले पहिलो कारोबारको लागि १११ रुपैयाँ ३४ पैसादेखि ३३४ रुपैयाँ २ पैसासम्म ओपन रेञ्ज तोेकेको छ । पहिलो कारोबारको लागि नेप्सेले कम्पनीको नेटवर्थको तीन गुणासम्म मूल्य रेञ्ज तोक्ने गर्दछ ।
कम्पनीले गत जेठ २० गतेदेखि सर्वसाधारणका लागि १ अर्ब ५० करोड रुपैयाँ बराबरको प्रतिसेयर १०० रुपैयाँ अंकित मूल्यका १५ लाख कित्ता आईपीओ निष्काशन गरेको हो ।
कुल सेयरमध्ये ६० हजार कित्ता कर्मचारीहरुका लागि सुरक्षित गरिएको छ भने ७५ हजार कित्ता सेयर सामूहिक लगानी कोष र बाँकी १३ लाख ६५ हजार कित्ताका लागि सर्वसाधारणले आवेदन दिन सकिने व्यवस्था गरेको थियो ।
कम्पनीले उद्योग प्रभावित क्षेत्रका स्थानीय बासिन्दका लागि निष्कासन गरेको १० लाख कित्ता, सर्वसाधारणको लागि निष्कासन गरेको १५ लाख कित्ता र कम्पनीका संस्थापकहरुले लगानी गरेको ७५ लाख कित्ता साधारण सेयर सूचीकृत गराएको हो ।
वि.सं.२०७९ साउन ११ बुधवार १५:४६ मा प्रकाशित
