काठमाडौं । तीन लघुवित वित्तीय संस्थाको सेयर मूल्यमा उछाल आएको छ । बुधवार राष्ट्र उत्थानसहित तीन लघुवित्त कम्पनीको सेयर मूल्य उच्च दरमा वृद्धि भएको हो ।
साताको चौंथो कारोबार दिन राष्ट्र उत्थान लघुवित्तको सेयर मूल्यमा सकरात्मक सर्किट लागेको हो । आज कम्पनीको सेयर मूल्य १० प्रतिशतले वृद्धि भएको छ ।
उक्त दिन कम्पनीको सेयर मूल्य प्रतिकित्ता ९६ रुपैयाँ ८० पैसाले वृद्धि भई १ हजार ६४ रुपैयाँ ८० पैसा पुगेको छ ।
नेपाल स्टक एक्सचेञ्ज (नेप्से) का अनुसार आज कम्पनीको १ करोड १७ लाख ५८ हजार रुपैयाँ बराबरको ११ हजार ५२१ कित्ता सेयर खरिदबिक्री भएको छ ।
यस्तै, उक्त दिन नेष्डो समृद्धि लघुवित्त वित्तीय संस्थाको सेयर मूल्य पनि उच्च दरमा वृद्धि भएको छ।
आज कम्पनीको सेयर मूल्य ९.९७ प्रतिशत अर्थात प्रतिकित्ता २५७ रुपैयाँ ८० पैसाले वृद्धि भएको हो । योसंगै कम्पनीको सेयर मूल्य २ हजार ८४४ रुपैयाँ कायम भएको छ । आज कम्पनीको ८ करोड ४८ लाख ४१ हजार रुपैयाँ बराबरको ३१ हजार ३८९ कित्ता सेयर किनबेच भएको छ ।
उक्त दिन जाल्पा सामुदायिक लघुवित्तको सेयर मूल्यमा पनि उछाल आएको छ । आज कम्पनीको सेयर मूल्य ९.८४ प्रतिशतले बढेको हो ।
आज कम्पनीको सेयर मूल्य प्रतिकित्ता २५८ रुपैयाँले वृद्धि भई २ हजार ८८० रुपैयाँ कायम भएको छ । उक्त दिन कम्पनीको ५ करोड २४ लाख २० हजार रुपैयाँ बराबरको १९ हजार १०९ कित्ता सेयर खरिदबिक्री भएको नेप्सेले जनाएको छ ।
वि.सं.२०७९ साउन ११ बुधवार १६:०१ मा प्रकाशित