काठमाडौं । नागरिक लगानी कोषले बुक क्लोजका लागि मिति तय गरेको छ ।
कोषले साधारण सभा तथा लाभांश वितरण प्रयोजनका लागि आउँदो साउन २५ गते बुक क्लोज गर्ने भएको हो ।
बुक क्लोजको आधारमा साउन २४ गतेसम्म कायम शेयरधनीले साधारण सभामा भाग लिन र लाभांश पाउनेछन् ।कोषले आउँदो भदौ ६ गते २७औं वार्षिक साधारण सभा गर्ने भएको छ ।
सभाले आर्थिक वर्ष २०७७/७८सम्मको सञ्चित मुनाफाबाट प्रस्तावित ३० प्रतिशत बोनस सेयर र कर प्रयोजनका लागि १.५७८९ प्रतिशत नगद लाभांश वितरण गर्ने प्रस्ताव पारित गर्नेछ ।
वि.सं.२०७९ साउन १२ बिहीवार १३:२८ मा प्रकाशित
