काठमाडौं । कारोबारमा आएको दोस्रो दिन बिन्ध्यावासिनी हाइड्रोपावरको सेयर मूल्य सामान्य वृद्धि भएको छ ।
साताको अन्तिम कारोबार दिन अर्थात शुक्रबार दुई घण्टा खुलेको कारोबारमा कम्पनीको सेयर मूल्य २.८९ प्रतिशतले वृद्धि भएको हो ।
उक्त दिन कम्पनीको सेयर मूल्य प्रतिकित्ता १० रुपैयाँ ६० पैसाले वृद्धि भई ३७८ रुपैयाँ पुगेको छ । कम्पनीको सेयर बिहीबारदेखि कारोबारमा आएको हो । कम्पनीको सेयर प्रतिकित्ता ३३४ रुपैयाँमा पहिलो कारोबार सुरु भएको हो ।
दोस्रो दिन कम्पनीको २ करोड ८ लाख ४२ हजार रुपैयाँ बराबरको ५५ हजार ६३५ कित्ता सेयर खरिदबिक्री भएको छ ।
वि.सं.२०७९ साउन १३ शुक्रवार १६:५८ मा प्रकाशित