काठमाडौं । साताको पहिलो कारोबार दिन सुनको मूल्यमा बढोत्तरी आएको छ । आइतबार नेपाली बजारमा छापावाला सुनको भाउ तोलामा २ सय रुपैयाँले वृद्धि भएको हो ।
अघिल्लो दिन अर्थात शुक्रबार ९५ हजार ६ सय रुपैयाँमा कारोबार भएको सुन आज बढेर ९५ हजार ८ सय रुपैयाँ पुगेको हो ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९५ हजार ३ सय रुपैयाँ निर्धारण गरिएको छ । तेजावी सुन शुक्रबार ९५ हजार १ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य वृद्धि भएको छ । आज चाँदी तोलामा १० रुपैयाँले बढेर १ हजार २३० रुपैयाँ पुगेको छ । महासंघका अनुसार अघिल्लो दिन चाँदी १ हजार २२० रुपैयाँमा कारोबार भएको थियो ।
वि.सं.२०७९ साउन १५ आइतवार १०:५३ मा प्रकाशित
