काठमााडौं । आइतबार सेयर बजार भारी अंकले वृद्धि भएको छ । उक्त दिन बजार ५४.५८ अंकले वृद्धि भएको हो ।
आज बजार परिसुचक पनि २१९५.१० अंकको बिन्दुमा पुगेर बन्द भएको छ । आज फाइनान्स बाहेकका सबै समूहहरु हरियाली बनेका छन् ।
साताको पहिलो कारोबार दिन कारोबार रकम पनि बढेर ४ अर्ब ६० करोड ९९ लाख ७१ हजार रुपैयाँ पुगेको छ ।
उक्त दिन सबैभन्दा बढी शिवम् सिमेन्टको सेयर कारोबार भएको छ । आज कम्पनीको २१ करोड ३४ लाख १६ हजार रुपैयाँ बराबरको सेयर कारोबार भएको छ । नेपाल स्टक एक्सचेञ्ज (नेप्से) का अनुसार आज कम्पनीको २ लाख ६२ हजारज ७५४ कित्ता सेयर किनबेच भएको हो ।
उक्त दिन नेपाल टेलिकम पनि सर्वाधिक सेयर कारोबार हुनेको दोस्रो स्थानमा रहेको छ । आज कम्पनीको १५ करोड २३ लाख २० हजार रुपैयाँ बराबरको सेयर किनबेच भएको छ । उक्त दिन कम्पनीको १ लाख ५४ हजार ३१ कित्ता सेयर खरिदबिक्री भएको नेप्सेले जनाएको छ ।
यस्तै, आज एशियन लाइफ इन्स्योरेन्स कम्पनीको ११ करोड ५४ लाख ७४ हजार रुपैयाँ बराबरको सेयर किनबेच भएको छ । आज कम्पनीको १ लाख ७५ हजार २६४ कित्ता सेयर खरिदबिक्री भएइको हो ।
त्यसैगरि उक्त दिन हिमालयन डिस्टीलरीको पनि १० करोड ३७ लाख ७३ हजार रुपैयाँ बराबरको २७ हजार ४५५ कित्ता सेयर किनबेच भएको नेप्सेले जनाएको छ ।
वि.सं.२०७९ साउन १५ आइतवार १६:१८ मा प्रकाशित
