काठमाडौं । घोराही सिमेन्ट इन्डस्ट्री लिमिटेडले आईपीओ निष्किाशन गर्ने भएको छ । सिमेन्टले प्रिमियममा ३ अर्ब ४४ करोड १६ लाख बराबरको आईपीओ निष्काशन गर्ने भएको हो ।
आईपीओ निष्काशनका लागि कम्पनीले नेपाल धितोपत्र बोर्डमा निवेदन दिएको छ । कम्पनीले कुल ७९ लाख ४३ हजार ८०१ कित्ता आईपीओ निष्काशनका लागिसाउन ९ गते बोर्डमा निवेदन दिएको हो ।
जसमध्ये ३ लाख ९७ हजार १९० कित्ता सेयर स्थानीय बासिन्दाको लागि र ७५ लाख ४६ हजार ६११ कित्ता सर्वसाधारणको लागि निष्काशन गर्नेछ।
कम्पनीले अंकित मूल्यमा प्रिमियम रकम थप गरी आईपीओ निष्कासन गर्न लागेको हो । कम्पनीले स्थानीयको लागि प्रतिकित्ता ४ सय रुपैयाँ र सर्वसाधारणको लागि प्रतिकित्ता ४३५ रुपैयाँमा आईपीओ निष्काशन गर्नेछ ।
कम्पनीको आईपीओ निष्काशन तथा बिक्री प्रबन्धकमा हिमालयन क्यापिटल लिमिटेड रहेको छ ।
वि.सं.२०७९ साउन १५ आइतवार १८:२० मा प्रकाशित