काठमाडौं । नेकपा माओवादी केन्द्रका नेता जनार्दन शर्मा फेरि अर्थमन्त्रीमा नियुक्त भएका छन् ।
प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले आइतबार शर्मालाई अर्थमन्त्रीमा नियुक्त गरेको हो ।
शर्मालाई नेपालको संविधानको धारा ७६ को उपधारा ९ बमोजिम प्रधानमन्त्री देउवाले अर्थमन्त्रीमा सिफारिस गरेको हो ।
नवनियुक्त अर्थमन्त्री शर्माले आजै पदभार ग्रहण गरेका छन् । उनले राष्ट्रपति भवनमा आजै पदभार ग्रहण गरेका हुन् ।
बजेट निर्माणका क्रममा अनाधिकृत व्यक्तिलाई अर्थमन्त्रालयमा प्रवेश गराएर करका दर हेरफेर गरेको आरोप लागेको थियो । त्यसपश्चात असार २२ गते तत्कालीन अर्थमन्त्री शर्माले पदबाट राजिनामा दिएका थिए ।
वि.सं.२०७९ साउन १५ आइतवार १८:४३ मा प्रकाशित
