काठमाडौं । जाल्पा सामुदायिक लघुवित्त वित्तीय संस्थाले ९ करोड बढी नाफा कमाएको छ ।
कम्पनीले सोमबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
विवरण अनुसार कम्पनीले गत आवको चौंथो त्रैमासमा ९ करोड ८६ लाख ५७ हजार रुपैयाँ नाफा कमाएको छ । जुन अघिल्लो वर्षको सोही अवधिको तुलनामा भने ४.६७ प्रतिशतले कमी हो । अघिल्लो आवमा कम्पनीले १० करोड ३४ लाख ८५ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी भने ३६.२० प्रतिशतले वृद्धि भई ३५ करोड ३९ लाख ६७ हजार रुपैयाँ पुगेको छ ।
यस्तै, कम्पनीले संचालनमा मुनाफामा पनि १.४५ प्रतिशतले घटेर९ करोड ४६ लाख ९८ हजार रुपैयाँ कायम भएको छ ।
कम्पनीको चुक्ता पुँजी १६ करोड रुपैयाँ रहेको छ । कम्पनीले जगेडा तथा कोषमा भने ४७ करोड २६ लाख ६६ हजार रुपैयाँ राखेको छ ।
कम्पनीको खराब कर्जा भने झिनो घटेको छ । अघिल्लो आवमा ३.१४ प्रतिशत रहेको खराब कर्जा गत आवमा भने घटाएर २.३२ प्रतिशतमा झारेको छ ।
उक्त अवधिमा कम्पनीको प्रतिसेयर आम्दानी पनि ३४ रुपैयाँ ३४ पैसाले घटेर ६१ रुपैयाँ ६६ पैसा कायम भएको छ । कम्पनीको प्रतिसेयर नेटवर्थ भने ३४७ रुपैयाँ ७ पैसा रहेको छ ।
वि.सं.२०७९ साउन १६ सोमवार ११:२५ मा प्रकाशित
