काठमाडौं । कृषि विकास बैंकले खातावाला ग्राहकलाई खाता सक्रिय र अद्यालधिक गराउन भनेको छ ।
बैंकले सम्पूर्ण खातावाला ग्राहकका साथै खाता संचालक र वास्तविक धनी समेतको ग्राहक पहिचान विवरण अद्यावधिक गर्न र निष्क्रिय खाताहरु सक्रिय गराउन भनेको हो ।
एक सूचना निकाल्दै बैंकका खातावाला तथा खाता संचालकहरु समेतले आफूले खाता संचालन गरिरहेको सम्वन्धित शाखा वा पायक पर्ने बैंकको कुनै पनि शाखा कार्यालयमा सम्पर्क राखी तोकिएको फाराम भरी विवरण पठाउन भनेको छ ।
यस अघि बुझाउन बाँकी रहेका कागजात विवरण, परिवर्तित थप विवरण तथा नविकरण अद्यावधिक भएका कागजातका साथै खातावाला प्राकृतिक व्यक्ति भएमा खातावाला, संस्थागत खाता भएमा खाता संचालकहरुको र कानूनी व्यक्ति/प्रबन्ध भएमा खाता संचालकहरुको ल्पाप्चे एवं छाप समेत भदौ मसान्तसम्म अद्यावधिक गराउन बैंकले अनुरोध गरेको छ।
अन्य विस्तृतका लागि हेर्नुहोस् सूचना
वि.सं.२०७९ साउन १६ सोमवार १३:०१ मा प्रकाशित
