काठमाडौं । सोमबार प्रभु बैंकको सेयर मूल्यमा सामान्य गिरावट आएको छ । आज बैंकको सेयर मूल्य २.८१ प्रतिशतले घटेको हो ।
साताको दोस्रो कारोबार दिन बैैंकको सेयर मूल्य प्रतिकित्ता ६ रुपैयाँ ५० पैसाले घटेर २२४ रुपैयाँ ५० पैसा कायम भएको छ ।
नेपाल स्टक एक्सचेञ्ज (नेप्से) का अनुसार आज बैंकको ४ करोड ९ लाख ६२ हजार रुपैयाँ बराबरको सेयर कारोबार भएको छ । बैंकको आज १ लाख ८२ हजार ८४ कित्ता सेयर बिक्री भएको हो ।
प्रभु बैंकले सेञ्चुरी बैंकले प्राप्ति गर्ने भएको छ । यी दुवै बैंक एक आपसमा मर्जरमा जानका लागि आइतबार समझदारी पत्रमा हस्ताक्षर भएको छ ।
हाल १ बराबर १ अनुपातमा मर्जमा जान दुई बैंक सहमत भएका छन् । दुबै बैंकको सम्पत्ति दायित्व मूल्यांकन (डीडीए) रिपोर्ट प्राप्त भएपछि वास्तविकता आउने र त्यसैका आधारमा स्वाप रेसियो तय गर्ने सहमति भएको छ ।
दुई बैंक मर्ज भएमा चुक्ता पुँजी २२ अर्ब पुग्ने छ । हाल सेञ्चुरी बैंकको को चुक्ता पुँजी ९ अर्ब ५५ करोड र प्रभुको चुक्ता पुँजी १२ अर्ब ७० करोड रुपैयाँ रहेको छ ।
प्रभु बैंकले प्राप्ति गर्ने सम्झौता गरेसंगै नेप्सेमा सेञ्चुरी बैंकको सेयर कारोबार भने रोक्का भएको छ ।
वि.सं.२०७९ साउन १६ सोमवार १६:२० मा प्रकाशित