काठमाडौं । साताको तेस्रो कारोबार दिन सुनको मूल्य वृद्धि भएको छ । आज नेपाली बजारमा छापावाला सुनको भाउ तोलामा २ सय रुपैयाँले वृद्धि भएको हो ।
अघिल्लो दिन अर्थात सोमबार ९५ हजार ४ सय रुपैयाँमा कारोबार भएको सुन आज बढेर ९५ हजार ६ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार सोमबार ९४ हजार ९ सय रुपैयाँमा कारोबार भएको तेजावी सुनको भाउ भने आजका लागि ९५ हजार १ सय रुपैयाँ तोकिएको छ ।
यस्तै, उक्त दिन चाँदीको मूल्य भने स्थिर रहेको छ । सोमबार १ हजार २२० रुपैयाँमा कारोबार भएको चाँदी आज पनि सोही मूल्यमा कारोबार हुनेछ ।
वि.सं.२०७९ साउन १७ मंगलवार १०:४७ मा प्रकाशित