काठमाडौं । आरएमडीसी लघुवित्त वित्तीय संस्थाले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले गत आवमा ३५ करोड ४९ लाख ८ हजार रुपैयाँ नाफा कमाएको छ । कम्पनीको यो नाफा अघिल्लो आवको चौंथो त्रैमासको तुलनामा ९९.४८ प्रतिशतले बढी हो । अघिल्लो आवको सोही अवधिमा कम्पनीले १७ करोड ७९ लाख १८ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी पनि ४९.५९ प्रतिशतले बढेर ६० करोड ५३ लाख ४२ हजार रुपैयाँ र संचालन मुनाफा पनि ८६.०१ प्रतिशतले बढेर ५१ करोड ४१ लाख ४१ हजार रुपैयाँ पुगेको छ । कम्पनीको वितरण योग्य मुनाफा ४४ करोड ५५ लाख ३७ हजार रुपैयाँ रहेको छ ।
कम्पनीको चुक्ता पुँजी १ अर्ब २४ करोड १० लाख ६६ हजार रुपैयाँ रहेको छ । कम्पनीले जगेडा तथा कोषमा भने २ अर्ब ८ करोड ७२ लाख २७ हजार रुपैयाँ राखेको छ ।
कम्पनीको प्रतिसेयर आम्दानी ११ रुपैयाँ ३९ पैसाले बढेर २६८ रुपैयाँ १८ पैसा र प्रतिसेयर नेटवर्थ २६८ रुपैयाँ १८ पैसा कायम भएको छ ।
वि.सं.२०७९ साउन १७ मंगलवार १२:०७ मा प्रकाशित