काठमाडौं । एनआइसी एसिया क्यापिटलले वार्षिक साधारण सभा बोलाएको छ ।
क्यापिटलको साउन १५ गते बसेको सञ्चालक समितिको बैठकले भदौ ८ गते वार्षिक साधारण सभा बस्ने निर्णय गरेको हो।
सभा कम्पनीको रजिष्ट्रर्ड कार्यालय, थापाथली, काठमाडौंमा बिहान ९ बजेबाट सुरु हुनेछ ।
सभाले सञ्चालक समितिले प्रस्ताव गरे बमोजिम चुक्ता पुँजीको ५५ प्रतिशतका दरले हुने आउने ११ करोड नगद लाभांश वितरण गर्ने प्रस्ताव पेश हुनेछ ।
यसैगरी, आर्थिक वर्ष २०७८/७९ को वार्षिक प्रतिवेदन, लेखापरीक्षण प्रतिवेदनलगायतका वित्तीय विवरणका विषयमा छलफल गरी पारित गरिने एजेण्डा रहेको छ।
साथै, आव २०७९/८० को लागि लेखापरीक्षक नियुक्त गरी निजको पारिश्रमिक तोकिनेछ ।
वि.सं.२०७९ साउन १७ मंगलवार १४:४७ मा प्रकाशित
