काठमाडौं । साताको तेस्रो कारोबार दिन सेयर बजारमा झिनो गिरावट आएको छ । उक्त दिन बजार २.८१ अंकले घटेको हो ।
आज बजार परिसुचक २१९३.४३ अंकको बिन्दुमा पुगेर बन्द भएको छ । उक्त दिन फाइनान्स २१३.२३ अंक, हाइड्रोपावर २८.५६ अंक, उत्पादन तथा प्रशोधन ०.९२, माइक्रोफाइनान्स ४१.७७, म्युचुअल फण्ड ०.०३ र व्यापार समूह ३७.६० अंकले वृद्धि भएको छ भने यी बाहेकका अन्य समूहहरु राताम्मे बनेका छन् ।
आज कारोबार रकममा पनि गिरावट आएको छ । मंगलबार ३ अर्ब २९ करोड ३२ लाख ३४ हजार रुपैयाँ बराबरको ७८ लाख १३ हजार १०२ कित्ता सेयर खरिदबिक्री भएको छ ।
उक्त दिन सबैभन्दा बढी शिवम् सिमेन्टको सेयर कारोबार भएको छ । आज कम्पनीको २९ करोड ३२ लाख २७ हजार रुपैयाँ बराबरको सेयर कारोबार भएको हो ।
वि.सं.२०७९ साउन १७ मंगलवार १५:१२ मा प्रकाशित
