काठमाडौं । बुधवार सुनको मूल्यमा गिरावट आएको छ । साताको चौंथो कारोबार दिन नेपाली बजारमा छापावाला सुनको भाउ तोलामा ३०० रुपैयाँले घटेको हो ।
अघिल्ले दिन ९५ हजार ६०० रुपैयाँमा कारोबार भएको सुन आज घटेर ९५ हजार ३०० रुपैयाँ कायम भएको छ ।
नेपाल सुनचाँदी व्यवसायी महासंघका अनुसार बुधवारका लागि तेजावी सुनको मूल्य भने ९४ हजार ८०० रुपैयाँ निर्धारण भएको छ ।
यस्तै, उक्त दिन चाँदीको मूल्यमा पनि गिरावट आएको छ । आज चाँदी तोलामा १० रुपैयाँले घटेर १ हजार २१० रुपैयाँ कायम भएको छ । अघिल्लो दिन भने १ हजार २२० रुपैयाँमा खरिदबिक्री भएको महासंघले जनाएको छ ।
वि.सं.२०७९ साउन १८ बुधवार ११:२७ मा प्रकाशित
