काठमाडौं । श्वेतगंगा हाइड्रोपावर एण्ड कन्स्ट्रक्सन लिमिटेडको आईपीओ बाँडफाँड भएको छ । कम्पनीको बिक्री प्रबन्धक सानिमा क्यापिटलमा आईपीओ बुधवार बाँडफाँड भएको हो ।
कम्पनीको आईपीओमा मागभन्दा धेरै आवेदन परेकाले गोलाप्रथाबाट बाँडफाँड गरिएको हो । कम्पनीको आईपीओमा कुल १५ लाख ४३ हजार ९४५ जनाले आवेदन दिएका थिए।
कम्पनीको आईपीओ २ लाख २७ हजार २ आवेदकलाई १० कित्ताका दरले सेयर हात पारेका छन् । यीमध्ये भाग्यमानी ५ जनालाई थप १/१ कित्ता सेयर वितरण गरिएको छ ।
कम्पनीले साउन ४ गते बुधवारदेखि आईपीओ निष्काशन तथा बिक्री खुला गरेको थियो ।
कम्पनीले जारी पूँजी १ अर्ब ५९ करोड ३० लाख १५ प्रतिशतले हुन आउने प्रतिसेयर १०० अंकित मूल्यका २३ लाख ८९ हजार ५०० कित्ता आईपीओ जारी गरेको थियो ।
जसमध्ये १ लाख १९ हजार ४७५ कित्ता सामूहिक लगानी कोषहरुलाई र बाँकी रहेको २२ लाख ७० हजार २५ कित्ता सर्वसाधारणका लागि छुट्याईएको छ ।
आईपीको नतिजा हेर्नका लागि :
1. कम्पनीको वेबसाइट: https://swetgangahydropower.com/
2. बिक्री प्रबन्धको वेबसाइट : https://bokcapital.com.np/
3. मेरो शेयरको वेबसाइट : https://meroshare.cdsc.com.np/#/login
4. सिडिएसको वेबसाइट : https://iporesult.cdsc.com.np/
वि.सं.२०७९ साउन १८ बुधवार ११:४५ मा प्रकाशित
