काठमाडौं । हिमालयन बैंकको नाफामा गिरावट आएको छ । गत आर्थिक वर्ष २०७७/७९को चौंथो त्रैमासमा बैंकको नाफा १७.८१ प्रतिशतले घटेको छ ।
बैंकले प्रकाशित गरेको गत आवको चौंथो त्रैमासिक वित्तीय विवरण अनुसार उक्त अवधिमा बैंकले २ अर्ब ४८ करोड २१ लाख ३६ हजार रुपैयाा नाफा कमाएको छ । तर, अघिल्लो आवमा भने बैंकले २ अर्ब ९९ करोड ८६ लाख २३ हजार रुपैयाँ नाफा कमाएको थियो ।
उक्त अवधिमा बैंकले ५ अर्ब १२ करोड ४१ लाख ६१ हजार रुपैयाँ खुद ब्याज आम्दानी गरेको छ । बैंकको यो आम्दानी अघिल्लो आवको तुलनामा ३५.२५ प्रतिशतले बढी हो ।
अघिल्लो आवको असार मसान्तसम्ममा बैंकको यो आम्दानी ३ अर्ब ७८ करोड ८७ लाख १६ हजार रुपैयाँ रहेको थियो ।
उक्त अवधिमा बैंकको संचालन मुनाफा पनि १७.८१ प्रतिशतले घटेर ३ अर्ब ५४ रकोड ५ लाख ७० हजार रुपैयाँ कायम भएको छ । गत आवमा बैंकको वितरण योग्य मुनाफा २ अर्ब ६६ करोड १५ लाख ९२ हजार रुपैयाँ रहेको छ ।
बैंकको चुक्ता पुँजी १२ अर्ब ९६ करोड ८७ लाख २५ हजार रुपैयाँ रहेको छ । बैंकको जगेडा तथा कोषमा भने ९ अर्ब १४ करोड ३४ लाख ५० हजार रुपैयाँ राखिएको छ ।
बैंकको खराब कर्जा पनि झिनो वृद्धि भई ०.७७ प्रतिशत कायम भएको छ । गत आवमा बैंकको प्रतिसेयर आम्दानीमा पनि गिरावट देखिएको छ । अघिल्लो आवमा २८ रुपैयाँ ७ पैसा रहेको कम्पनीको आम्दानी गत वर्ष भने घटेर १९ रुपैयाँ १४ पैसा कायम भएको छ । बैंकको प्रतिसेयर नेटवर्थ भने १७० रुपैयाँ ५ पैसा रहेको छ ।
वि.सं.२०७९ साउन १८ बुधवार १२:०२ मा प्रकाशित