काठमाडौं । उपकार लघुवित्त वित्तीय संस्थाले गत आर्थिक वर्ष २०७८/७९ को चौंथो त्रैमासमा ४ करोड ४६ लाख ८५ हजार रुपैयाँ नाफा कमाएको छ ।
कम्पनीले प्रकाशित गरेको गत आवको वित्तीय विवरणले यस्तो देखाएको हो । जुन नाफा अघिल्लो आवको तुलनामा भने २७.१४ प्रतिशतले कमी हो । अघिल्लो आवमा कम्पनीले ६ करोड १३ लाख २६ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी ५.८८ प्रतिशतले बढेर १३ करोड २७ लाख ९६ हजार रुपैयाँ पुगेको छ ।
गत आवमा कम्पनीको संचालन मुनाफा सुधार देखिएको छ । अघिल्लो वर्ष ४० करोड बढी ऋणात्मक देखिएको कम्पनीको संलान मुनाफा गत अवामा भने ६ करोड २२ लाख ६४ हजार रुपैयाँ धनात्मक देखिएको छ ।
कम्पनीको चुक्ता पुँजी ६ करोड ५६ लाख २५ हजार रुपैयाँ रहेको छ । कम्पनीले जगेडा तथा कोषमा भने १७ करोड ३ लाख २९ हजार रुपैयाँ राखेको छ ।
कम्पनीको प्रतिसेयर आम्दानी पनि ७७ रुपैयाँ ९२ पैसाले घटेर ६८ रुपैयाँ ९ पैसा कायम भएको छ । प्रतिसेयर नेटवर्थ भने ३५९ रुपैयाँ ५९ पैसा रहेको छ ।
वि.सं.२०७९ साउन १८ बुधवार १३:२१ मा प्रकाशित
