काठमाडौं । आरम्भ चौतारी लघुवित्त वित्तीय संस्थाको नाफामा गिरावट आएको आएको छ ।
कम्पनीले प्रकाशित गरेको गत आर्थिक वर्ष २०७८/७९ को चौंथो त्रैमासमा कम्पनीको नाफा २७.१५ प्रतिशतले कमी देखिएको हो ।
अघिल्लो आवमा ९ करोड ६५ लाख ५९ हजार रुपैयाँ नाफा कमाएको कम्पनीले गत आवमा भने घटेर ७ करोड ३ लाख ४२ हजार रुपैयाँमा सिमित भएको छ ।
उक्त अवधिमा कम्पनीको खुद ब्याज आम्दानी ११.३५ प्रतिशतले वृद्धि भई ३४ करोड ६ लाख २५ हजार रुपैयाँ कायम भएको छ ।
गत आवमा कम्पनीको संचालन मुनाफा पनि २६.७८ प्रतिशतको गिरावट आई ८ करोड ९५ लाख ८९ हजार रुपैयाँ कायम भएको छ ।
कम्पनीको चुक्ता पुँजी ३६ करोड ७१ लाख ४३ हजार रुपैयाँ रहेको छ । कम्पनीले जगेडा तथा कोषमा भने १४ करोड १३ लाख ७७ हजार रुपैयाँ राखेको छ ।
उक्त अवधिमा कम्पनीको खराब कर्जा पनि १.२९ प्रतिशतले बढेर ४.९४ प्रतिशत पुगेको छ ।
कम्पनीको प्रतिसेयर आम्दानी पनि ८ रुपैयाँ ६७ पैसाको गिरावट आई १९ रुपैयाँ १६ पैसा कायम भएको छ । कम्पनीको प्रतिसेयर नेटवर्थ १३८ रुपैयाँ ५१ पैसा रहेको छ ।
वि.सं.२०७९ साउन १८ बुधवार १३:३४ मा प्रकाशित
