काठमाडौं। नेपाल राष्ट्र बैंकले नगद लाभांशमा गरेको कडाइ खारेज गरेको छ। राष्ट्र बैंकले बुधबार निर्देशन जारी गर्दै नगद लाभांशमा गरेको कडाइ खारेज गरेको हो।
दुई वर्षदेखि नगद लाभांशमा कडाइ गर्दै आएको थियो। राष्ट्र बैंकले नगद लाभांशलाई कडाइ गर्न खुद वितरणयोग्य नाफाको ३० प्रतिशतसम्म मात्र नगद लाभांश दिन पाउने व्यवस्था गरेको थियो।
यसबाहेक वितरणयोग्य नाफा चुक्ता पुँजीको ५ प्रतिशतभन्दा कम भएमा कर प्रयोजन बाहेक नगद बाँड्नै नपाइने व्यवस्थासमेत गरेको थियो।
अब यो सँगै बैंक तथा वित्तीय संस्थाहरुले अब आफ्नो क्षमता अनुसार आफूखुशी लाभांश वितरण गर्न सक्नेछन् ।
वि.सं.२०७९ साउन १८ बुधवार १४:४१ मा प्रकाशित
