काठमाडौं । बुधवार सेयर बजारमा गिरावट आएको छ । उक्त दिन बजार ६.७१ अंकले घटेको हो ।
साताको चौंथो कारोबार दिन बजार परिसुचक २१८६.७७ अंकको बिन्दुमा पुगेर बन्द भएको छ । उक्त दिन हाइड्रोपावर इन्डेक्स ४२.७० अंक, माइक्रोफाइनान्स ७.७१, म्युचुअल फण्ड ०.०३ र व्यापार इन्डेक्स ८६.६८ अंकले वृद्धि भएको छ । उक्त दिन यी बाहेकका सबै समूहहरु राताम्मे बनेका छन् ।
उक्त दिन कारोबार रकममा भने बढोत्तरी देखिएको छ । आज ४ अर्ब २ करोड ९९ लाख ३१ हजार रुपैयाँ बराबरको सेयर कारोबार भएको छ ।
उक्त दिन शिवम सिमेन्टको सर्वाधिक सेयर कारोबार भएको छ । आज कम्पनीको २५ करोड ३४ लाख ३० हजार रुपैयाँ बराबरको सेयर खरिदबिक्री भएको हो ।
कारोबार रकमको आधारमा दोस्रो स्थानामा रहेको अपि पावर कम्पनीको भने १५ करोड १७ लाख २४ हजार रुपैयाँ बराबरको सेयर किनबेच भएको छ ।
वि.सं.२०७९ साउन १८ बुधवार १५:२६ मा प्रकाशित