काठमाडौं । सेयर बजारमा एकै दिन साढे ४ करोड बढी कित्ता सेयर थपिएको छ ।
नेपाल स्टक एक्सचेञ्ज (नेप्से)मा मंगलबार तीन कम्पनीको ४ करोड ६७ लाख ५० हजार कित्ता सेयर सूचीकृत भएको हो ।
नेप्सेमा दुई कम्पनीको बोनस सेयर र एक कम्पनीको सेयर सूचीकृत भएको हो । मंगलबार नेप्सेमा सगरमाथा इन्स्योरेन्सको २० प्रतिशत बोनस बापतको २२ लाख २२ हजार ७१५ कित्ता र एनएमबि माइक्रोफाइनान्स लघुवित्त वित्तीय संस्थाको २१.५० प्रतिशत बापतको ११ लाख ६० हजार ५८०.३७३८ कित्ता बोनस सेयर नेप्सेमा सूचीकृत भएको हो ।
यी दुवै कम्पनीको बोनस सेयर सम्वन्धित सेयरधनीहरुको हितग्राही खातामा जम्मा भएपछि लगानीकर्ताहरुले खरिदबिक्री गर्न सक्नेछन् ।
यस्तै, नबिल बैंकको साविकको नेपाल बंगलादेश बैंक लिमिटेडलाई १ः०.४३ को अनुपातमा प्राप्ति गर्दा कायम हुन आएको प्रतिसेयर अंकित मूल्य १०० रुपैयाँ दरका ४ करोड ३३ लाख ६७ हजार २१९ कित्ता सेयर नेप्सेमा सूचीकृत भएको हो ।
वि.सं.२०७९ साउन १८ बुधवार १२:०८ मा प्रकाशित