काठमाडौं । कृषि विकास बैंकले गत आर्थिक वर्ष २०७८/७९ को चौंथो त्रैमासिक वित्तीय विवरण प्रकाशित गरेको छ ।
विवरण अनुसार बैंकले गत आवमा २ अर्ब ३६ करोड ४० लाख ९५ हजार रुपैयाँ नाफा कमाएको छ । जुन अघिल्लो आवको सोही अवधिमा भने २६.१६ प्रतिशतले कमी हो । अघिल्लो आवमा बैंकले ३ अर्ब २० करोड १५ लाख ७४ हाजर रुपैयाँ नाफा कमाएको थियो ।
उक्त अवधिमा बैंकको खुद ब्याज आम्दानी भने १३.३० प्रतिशतले वृद्धि भई ७ अर्ब ७७ करोड ९१ लाख ४ हजार रुपैयाँ कायम भएको छ ।
यस्तै, बैंकको संचालन मुनाफामा पनि १८.२५ प्रतिशतले गिरावट आई ४ अर्ब ११ करोड ८१ लाख ६६ हजार रुपैयाँ कायम भएको छ । गत आवमा बैंकको वितरण योग्य मुनाफा भने १२५.१९ प्रतिशतले वृद्धि भई ३ अर्ब ९० करोड ६९ लाख ९० हजार रुपैयाँ पुगेको छ ।
बैंकको चुक्ता पुँजी १३ अर्ब १८ करोड ७९ लाख १५ हजार रुपैयाँ रहेको छ । बैंकले जगेडा तथा कोषमा भने १५ अर्ब १२ करोड ८९ लाख ९३ हजार रुपैयाँ राखेको छ ।
बैंकको प्रतिसेयर आम्दानी पनि ११ रुपैयाँ २१ पैसाले घटेर १७ रुपैयाँ ९३ पैसा कायम भएको छ । प्रतिसेयर नेटवर्थ भने २१२ रुपैयाँ २५ पैसा रहेको छ ।
वि.सं.२०७९ साउन १९ बिहीवार ११:०९ मा प्रकाशित