काठमाडौं । एक्सेल डेभलपमेन्ट बैंकले गत आर्थिक वर्ष २०७८/७९ को चौंथो त्रैमासिक वित्तीय विवरण प्रकाशित गरेको छ ।
गत आवमा बैंकले ११ करोड ४० लाख ६ हजार रुपैयाँ नाफा कमाएको छ । बैंकको यो नाफा अघिल्लो आवको सोही अवधिको तुलनामा भने १४.७१ प्रतिशतले कमी हो । अघिल्लो आवमा बैंकले १३ करोड ३६ लाख ८१ हजार रुपैयाँ नाफा कमाएको थियो ।
उक्त अवधिमा बैंकको खुद ब्याज आम्दानी झिनो वृद्धि भई ४५ करोड ७४ लाख ७६ हजार रुपैयाँ पुगेको छ । उक्त अवधिमा बैंकको संचालन मुनाफा १९ करोड १८ लाख ८८ हजार रुपैयाँ रहेको छ ।
बैंकको चुक्ता पुँजी १ अर्ब १५ करोड १७ लाख ९२ हजार रुपैयाँ रहेको छ । बैंकले जगेडा तथा कोषमा भने ३५ करोड ५ लाख ३२ हजार रुपैयाँ रहेको छ ।
बैंकले उक्त अवधिमा खराब कर्जा भने घटाएको छ । अघिल्लो आवमा ३.७७ प्रतिशत रहेको खराब कर्जा गत आवमा भने घटेर २.७९ प्रतिशतमा झारेको छ ।
बैंकको प्रतिसेयर आम्दानी ९ रुपैयाँ ९० पैसा र प्रतिसेयर नेटवर्थ १४४ रुपैयाँ ३१ पैसा रहेको छ ।
वि.सं.२०७९ साउन १९ बिहीवार १२:४० मा प्रकाशित