काठमाडौं । बिहीबार पनि सेयर बजारमा गिरावट आएको छ । साताको पाँचौं कारोबार दिन बजार ३८.६१ अंकले घटेको हो ।
उक्त दिन बजार परिसुचक नेप्से २१४८.१६ अंकको बिन्दुमा पुगेर बन्द भएको छ । उक्त दिन सबै समूहहरु राताम्मे बनेका छन् ।
बुधवारको तुलनामा आज कारोबार रकममा पनि गिरावट आएको छ । उक्त दिन ३ अर्ब ७६ करोड ८० लाख ७९ हजार रुपैयाँ बराबरको सेयर खरिदबिक्री भएको छ ।
उक्त दिन शिवम सिमेन्टसहित तीन कम्पनीको सर्वाधिक सेयर कारोबार भएको छ ।
उक्त दिन शिवम सिमेन्टको सबैभन्दा बढी २५ करोड २२ लाख ११ हजार रुपैयाँ बराबरको सेयर कारोबार भएको हो । नेप्सेका अनुसार आज कम्पनीको ३ लाख १२ हजार १९४ कित्ता सेयर किनबेच भएको छ । कम्पनीको सेयर मूल्य भने आज ८०५ रुपैयाँ १० पैसा कायम भएको छ ।
यस्तै, उक्त दिन कारोबार रकमको आधारमा दोस्रो स्थानमा हिमालयन डिस्टीलरी रहेको छ ।
आज कम्पनीको १३ करोड १७ लाख ४० हजार रुपैयाँ बराबरको ३३ हजार २४५ कित्ता सेयर खरिदबिक्री भएको छ । कम्पनीको सेयर मूल्य ३ हजार ९३० रुपैयाँ रहेको छ ।
उक्त दिन अपि पावर कम्पनीको सेयर पनि १२ करोड ७९ लाख ३२ हजार रुपैयाँ बराबरको सेयर कारोबार भएको छ । आज कम्पनीको ४ लाख ४३ हजार ५०४ कित्ता सेयर किनबेच भएको छ । कम्पनीको सेयर मूल्य प्रतिकित्ता २८४ रुपैयाँ कायम भएको छ ।
वि.सं.२०७९ साउन १९ बिहीवार १५:३७ मा प्रकाशित