काठमाडौं । शुक्रबार सुनको भाउ वृद्धि भएको छ । साताको अन्तिम कारोबार दिन नेपाली बजारमा छापावाला सुनको भाउ तोलामा ७०० सय रुपैयाँले वृद्धि भएको हो ।
अघिल्लो दिन ९६ हजार १०० रुपैयाँमा कारोबार भएको सुन आज बढेर ९६ हजार ८०० रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्यमा भने ९६ हजार ३०० रुपैयाँ निर्धारण गरेको छ ।
यस्तै, उक्त दिन चाँदीको मूल्य पनि वृद्धि भएको छ । आज चाँदी तोलामा १० रुपैयाँले वृद्धि भई १ हजार २२० रुपैयाँ कायम भएको छ । अघिल्लो दिन भने १ हजार २१० रुपैयाँमा कारोबार भएको थियो ।
वि.सं.२०७९ साउन २० शुक्रवार १०:५२ मा प्रकाशित