काठमाडौं । राष्ट्रिय वाणिज्य बैंकले ५ अर्ब बढी नाफा कमाएको छ ।
बैंकले शुक्रबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा बैंकले गत आवमा ५ अर्ब २१ करोड ४२ लाख ४७ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने ३७.३८ प्रतिशतले बढी हो । अघिल्लो आवमा बैंकले ३ अर्ब ७९ करोड ५४ लाख ७७ हजार रुपैयाँ नाफा कमाएको थियो ।
उक्त अवधिमा बैंकको खुद ब्याज आम्दानी पनि १७.२९ प्रतिशतले वृद्धि भई ९ अर्ब ६६ करोड ९२ लाख ९१ हजार रुपैयाँ पुगेको छ ।
गत आवमा बैंकको संचालन मुनाफा ७ अर्ब १ करोड ८४ लाख ९६ हजार रुपैयाँ रहेको छ भने वितरण योग्य नाफा ३ अर्ब ३ करोड २३ लाख ७३ हजार रुपैयाँ रहेको छ ।
बैंकको चुक्ता पुँजी १४ अर्ब ९४ करोड ३ लाख ५९ हजार रुपैयाँ रहेको छ । बैंकले जगेडा तथा कोषमा भने १८ अर्ब ५४ करोड २९ लाख १८ हजार रुपैयाँ राखेको छ ।
गत आवमा बैंकले खराब कर्जा पनि १.०७ प्रतिशतले घटाएर २ प्रतिशतमा झारेको छ । बैंकको प्रतिसेयर आम्दानी ३४ रुपैयाँ ९० पैसा रहेको छ ।
वि.सं.२०७९ साउन २० शुक्रवार ११:१५ मा प्रकाशित
