काठमाडौं । सेञ्चुरी कमर्सियल बैंकले १ अर्ब ३५ करोड बढी नाफा कमाएको छ ।
बैंकले सार्वजनिक गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा बैंकले १ अर्ब ३५ करोड ७२ लाख ३१ हजार रुपैयाँ नाफा कमाएको छ । बैंकको यो नाफा अघिल्लो वर्षको सोही अवधिको तुलनामा भने ११५.६७ प्रतिशतले बढी हो । अघिल्लो आवमा भन बैंकले ६२ करोड ९३ लाख २० हजार रुपैयाँ नाफा कमाएको थियो ।
गत आवमा बैंकको खुद ब्याज आम्दानी ३१.६३ प्रतिशतले वृद्धि भई ३ अर्ब २० करोड १६ लाख २९ हजार रुपैयाँ पुगेको छ ।
यस्तै, गत आवको असार मसान्तसम्ममा बैंकको संचालन मुनाफा पनि १४२.१२ प्रतिशतले वृद्धि भई १ अर्ब ९५ करोड १ लाख ४२ हजार रुपैयाँ कायम भएको छ । गत आवमा बैंकको वितरण योग्य नाफा भने ९१ रकोड १८ लाख ५४ हजार रुपैयाँ रहेको छ ।
बैंकको चुक्ता पुँजी ९ अर्ब ५५ करोड ३९ लाख ९ हजार रुपैयाँ रहेको छ । बैंकले जगेडा तथा कोषमा भने २ अर्ब ६४ रकोड ४ लाख ९८ हजार रुपैयाँ राखेको छ ।
उक्त अवधिमा बैंकले खराब कर्ज पनि झिनो घटाएर १.५९ प्रतिशतमा झारेको छ । बैंकको प्रतिसेयर आम्दानी ७ रुपैयाँ २४ रुपैयाँले वृद्धि बढेर १४ रुपैयाँ २१ पैसा पुगेको छ भने प्रतिसेयर नेवटर्थ १२७ रुपैयाा ६४ पैसा कायम भएको छ ।
वि.सं.२०७९ साउन २२ आइतवार ११:१३ मा प्रकाशित
