काठमाडौं । सिद्धार्थ इन्स्योरेन्स कम्पनीले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार गत आवमा कम्पनीले ३२ करोड १० लाख ७१ हजार रुपैयाँ नाफा कमाएको छ । कम्पनीको यो नाफा अघिल्लो आवको सोही अवधिको तुलनामा भने ८.३१ प्रतिशतले घटेको हो । अघिल्लो आवमा कम्पनीले ३५ करोड १ लाख ९१ हजार रुपैयाँ खुद नाफा गरेको थियो ।
अघिल्लो आवको तुलनामा कम्पनीको कुल बीमाशुल्क १०.८९ प्रतिशतले वृद्धि भई २ अर्ब ६१ करोड ६७ लाख ४२ हजार रुपैयाँ पुगेको छ ।
उक्त अवधिमा कम्पनीले १ अर्ब ३७ करोड १२ लाख ८९ हजार रुपैयाँ कुल दावी भुक्तानी गरेको छ । गत आवमो कम्पनीको भुक्तानी हुन बाँकी दावी रकम भने १ अर्ब ३७ करोड ८४ लाख ५१ हजार रुपैयाँ रहेको छ ।
कम्पनीको चुक्ता पुँजी १ अर्ब २८ करोड ८० लाख रुपैयाँ रहेको छ । कम्पनीको जगेडा तथा कोषमा भने ३१ करोड २६ लाख १७ हजार रुपैयाँ रहेको छ ।
बीमा कोषमा १ अर्ब १६ करोड ८३ लाख १६ हजार र महा विपत्ती जगेडा तर्फ ९ करोड १८ लाख ४१ हजार रुपैयाँ रहेको छ ।
कम्पनीको प्रतिसेयर आम्दानी २४ रुपैयाँ ९३ पैसा र प्रतिसेयर नेटवर्थ भने २२२ रुपैयाँ ११ पैसा रहेको छ ।
वि.सं.२०७९ साउन २२ आइतवार १२:४८ मा प्रकाशित
