काठमाडौं । आइतबार विभिन्न चार कम्पनीको सेयर मूल्य उच्च दरमा वृद्धि भएको छ । उक्त दिन मनकामना स्मार्ट लघुवित्तसहित ४ कम्पनीको सेयर मूल्य उच्च दरमा वृद्धि भएको हो ।
साताको पहिलो कारोबार दिन मनकामना स्मार्ट लघुवित्त वित्तीय संस्थाको सेयर मूल्य १० प्रतिशत अर्थात प्रतिकित्ता ९९ रुपैयाँ १० पैसाले वृद्धि भएको हो । योसंगै कम्पनीको सेयर मूल्य १ हजार ९० रुपैयाँ १० पैसा कायम भएको छ ।
उक्त दिन तेह्रथुम पावर कम्पनीको सेयर मूल्य पनि ९.५ प्रतिशतले वृद्धि भएको हो । आज कम्पनीको सेयर मूल्य प्रतिकित्ता ४६ रुपैयाँ ९० पैसाले बढेर ५३३ रुपैयाँ कायम भएको छ।
यस्तै, उक्त दिन उपकार लघुवित्तको सेयर मूल्य पनि ९.१३ प्रतिशत अर्थात प्रतिकित्ता ३१५ रुपैयाँले वृद्धि भई ३ हजार ७६४ रुपैयाँ कायम भएको छ ।
आइतबर गुहेश्वरी मर्चेन्ट बैंक एण्ड फाइनान्सको सेयर मूल्य पनि उच्च दरमा वृद्धि भएको छ । आज कम्पनीको सेयर मूल्य ८.५७ प्रतिशत अर्थात प्रतिकित्ता ३० रुपैयाँले बढेर ३८० रुपैयाँ कायम भएको छ ।
उक्त दिन यी कम्पनीहरुसहित एनआईसी एशिया सेलेक्ट फण्ड ३०, साहस उर्जा बुद्धभुमि नेपाल हाइड्रोपावर, मैलुङखोला जलविद्युत, सबैको लघुवित्त लगायतका लगानीकर्ताहरुले उच्च दरमा कमाएका छन् ।
वि.सं.२०७९ साउन २२ आइतवार १५:५६ मा प्रकाशित
