काठमाडौं । सानिमा माइ हाइड्रोपावर कम्पनीले ५४ करोड बढी नाफा कमाएको छ ।
कम्पनीले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ५४ करोड ५ लाख ३७ हजार रुपैयाँ नाफा कमाएको छ । जुन अघिल्लो आवमो सोही अवधिको तुलनामा ३२.९८ प्रतिशतले बढी हो । अघिल्लो आवमा कम्पनीले ४० करोड ६४ लाख ७६ हजार रुपैयाँ नाफा गरेको थियो ।
कम्पनीको विद्युत बिक्री आम्दानी बढेकाले नाफा वृद्धिमा टेवा पुगेको हो । गत आवमा कम्पनीले विद्युत बिक्रीबाट ९३ करोड ५० लाख २६ हजार रुपैयाँ आम्दानी गरेको छ । कम्पनीको यो आम्दानी अघिल्लो वर्षको सोही अवधिको तुलनामा ९.९६ प्रतिशतले बढी हो । अघिल्लो आवमा कम्पनीको यो आम्दानी ८५ करोड ३ लाख ९ हजार रुपैयाँ रहेको थियो ।
गत आवमा कम्पनीको संचालन मुनाफा पनि १२.५४ प्रतिशतले वृद्धि भई ६६ करोड ७३ लाख ४६ हजार रुपैयाँ पुगेको छ ।
कम्पनीको प्रतिसेयर आम्दानी पनि ३ रुपैयाँ ३ पैसाले वृद्धि भई १७ रुपैयाँ ५० पैसा पुगेको छ । कम्पनीको सेयर नेटवर्थ १२९ रुपैयाँ ९९ पैसा रहेको छ ।
कम्पनीको चुक्ता पुँजी ३ अर्ब ८ करोड ९२ लाख ५१ हजार रुपैयाँ रहेको छ ।
वि.सं.२०७९ साउन २३ सोमवार १२:२७ मा प्रकाशित
